Қаңтардың 21-27 аралығында Өскеменде 2003-2004 жылы туған жасөспірімдер арасындағы бокстан республикалық чемпионатта 104 топ студенті Бекзат Алдамжаров чемпион атанды.

13 түрлі салмақ санатында 176 айбарлы жеткіншік өзара бақ сынасты. 46 кг салмақ дәрежесінде шыдамы мен ширақтығының арқасында студдентіміз оқ бойы озып шығып, жеңіс тұғырынан көрінді. Спортшының бапкері ҚР спорт шебері Ақылбек Каналиев. Сондай-ақ, Бекзат республикалық «спорт шебері» нормативін орындап, ҚР ұлттық құрамасына еніп отыр. Жеңіс туымен оралған жерлесімізді бүгін барша студенттер, оқытушылар қауымымен қарсы алдық.